
Êrişên DYA-Îsraîlê yên li dijî Îranê di roja 14’an de didomin 

2026-03-13 12:07:39


	NAVENDA NÛÇEYAN - Êrişên DYA-Îsraîlê yên li dijî Îranê di roja 14’an de didomin. Êriş, her ku diçe li welatên herêmê belav dibe û windahiyên leşkerî û sivîl zêde dibin.&nbsp;

	&nbsp;

	Êrişên Îsraîl û DYA’yê yên li dijî Îranê di roja 14’an de berdewam in. Îsraîl û DYA’yê, di serî de Artêşa Muhafizên Şoreşa Îranê û Besîc, hemû baregehên leşkerî hedef girtin. Îranê jî Erişî welatên Kendav û herêmê kir.&nbsp;

	&nbsp;

	Bûyerên şevê din rû dayin wiha ne:

	&nbsp;

	*Îranê di saetên şevê de bi gelek moşek û ÎHA’yan êrişî hedefên Îsraîl û DYA’yê kir.&nbsp;

	&nbsp;

	*Pergala parastina hewayî ya Îsraîlê îdia kir ku gelek moşek di hewa de îmha kiriye lê li gelek herêman ji bo rewşa lezgîn li sîrenan hat xistin.&nbsp;

	&nbsp;

	*Artêşa Îsarîlê di tevahiya şevê de êrişî binesaziya leşkerî û stratejîk a Îranê kir. Hat ragihandin ku bi taybet jî binesaziya moşekan û tesîsên leşkerî hedef hatine girtin.&nbsp;

	&nbsp;

	*Îsraîlê ji hewayî êrişî baregehên Hîzbullahê yên li Lubnanê kir.&nbsp;

	&nbsp;

	*Hîzbullahê jî ragihand ku bi roketan êrişî bakurê Îsraîlê kiriye.&nbsp;

	&nbsp;

	*Îsraîlê, weke berdewamiya şerê li dijî Îranê, navenda paytexta Lubnanê Beyrûd û herêmên başûr hedef girt.&nbsp;

	&nbsp;

	*Wezareta Parastinê ya Îsraîlê, ragihand ku dê operasyonên li dijî Îran û Hîzbullahê berfireh bikin.&nbsp;

	&nbsp;

	*Di encama êrişên Îsraîlê yên li dijî Lubnanê de zarok jî di nav de herî kêm 9 kesan jiyana xwe ji dest dan.&nbsp;

	&nbsp;

	*Têkildarî êrişên ser keştiyên bazirganiyê û binesaziya petrolê ya li Kendava Basrayê raporek hate amadekirin. Di raporê de hate gotin ku zirar gihiştiye 19 keştiyên bazirganiyê.&nbsp;

	&nbsp;

	*Dirêjajotina şer rageşiya li Tengava Hurmuzê jî zêde kir û vê jî bandoreke kûrewî li ser zêdebûna bihayê petrolê û êrişên sîberê vekir.&nbsp;

	&nbsp;

	*Îranê ragihand ku dê êriş berdewam bikin û “Heta tam teslîmiyet çêdibe dê şer bidomînin.”&nbsp;

	&nbsp;

	*Îsraîl û DYA’yê ragihand ku dê operasyonên wan berdewam bikin.&nbsp;

	&nbsp;

	*Di encama êrişa Îranê ya li dijî Hewlêrê de ji “Tabura Alp a 7’an” ya Fransayê binevser Arnaud Frion jiyana xwe ji dest da.&nbsp;

	&nbsp;

	*Di tevahiya şevê de herî zêde li Tehranê êriş hatin kirin.&nbsp;

	&nbsp;

	*Balafirên Îsraîl û DYA’yê, tesîsên leşkerî û binesaziya moşekan a li derdora Tehranê hedef girtin.&nbsp;

	&nbsp;

	*Înterneta li Îranê ji destpêka şer heta niha ev 14 rojan nîne.&nbsp;

	&nbsp;

	*Piştî Tehranê bajarê herî zêde hedef hatiye girtin Îsfehan e. Balafirên şer ên Îsraîl û DYA’yê di tevahiya şevê de gelek herêmên binesaziya leşkerî hedef girt.&nbsp;

	&nbsp;

	*Îranê ragihand ku di saetên şevê de li dijî bakurê Îsraîlê bi moşekên balîstîkî êriş kiriye.&nbsp;

	&nbsp;

	*Balafirên şer ên Îranê û ÎHA’yan, li dijî depoyên sotemeniyê yên balafirgeheke li Bahreynê êriş pêk anîn.&nbsp;

	&nbsp;

	*Balafireke veguhestina sotemeniyê ya DYA’yê li Iraqê ket.&nbsp;

	&nbsp;

	*Hat ragihandin ku di encama êrişên Îranê yên li dijî Îsraîlê de 59 kes birîndar bûne.&nbsp;

	&nbsp;

	* Ji destpêka şerê li eniya Lubnanê heta niha bi sedan kesan jiyana xwe ji dest dan û bi sedhezaran kes ji cih û warên xwe koç kir.&nbsp;

	&nbsp;

	*Lîderê olî yê nû yê Îranê Mucteba Xamaney li dijî êrişên DYA û Îsraîlê peyama “tolhildan û domandina şer” da.&nbsp;

	&nbsp;

	*Îranê ragihand ku dê rewşa girtî ya Tengava Hurmuzê berdewam bike.&nbsp;

	&nbsp;

	*Serokwezîrê Îsraîlê Binyamin Netanyahu, qebûl kir ku dibe êrişa hevpar a Îsraîl û DYA’yê li Îranê rê li ber hilweşîna hikûmeta olperest a Tehranê veneke û gefa kuştina lîderê olî yê Îranê yê nû xwar.&nbsp;

	&nbsp;

	*Di saetên şevê de li Tirkiyeyê sîren lê dan. Li gel sîrenên li Êlih û Edeneyê lê dan, her wiha êrişa li dijî Încîrlîkê jî ji hêla welatiyan ve hate kişandin. Hate îdiakirin ku li baregehê dengê teqînê hatiye.&nbsp;

	&nbsp;