Serokê Meclisê Nûman Kurtulmuş, beriya 152’emîn Lijneya Giştî ya Yekitiya Parlemtoyan (PAB) ku dê li Stenbolê bê lidarxistin, pirsên rojnamegeran bersivand. Kurtulmuş, pirsa têkildarî Pêvajoya Aştî û Civaka Demokratîk bersivand û ji bo gavên qanûnî yên dihat gotin dê piştî cejnê werin avêtin ev tişt anî ziman: “Ji ewil divê partî amadekariyên xwe temam bikin. Amadekariya her kesî heye. Divê ev yek hinek bêhtir bê zelalkirin. Meseleya esasî ya di vir de ew e ku rêxistin bi temamî çekan berde û pêvajoya wê ya tesfiyeyê bêhtir xuyanî bibe.” 

 

Li gorî nûçeya Rojnameya Nefesê, Kurtulmuş ji bo avêtina gavên zagonî şertê “divê berdewamiya çekberdana rêxistinê were” danî pêş û wiha pê de çû: “MÎT û TSK mijarê dişopînin. Beriya her tiştekî divê qet nebe were dîtin ku pêvajo di astekî tê domandin. Qonaxa krîtîk, xwefesixkirina rêxistinê ye. Rêxistinê deklarasyona ‘min xwe fesix kir’ weşand. Dîmenên torena çekberdanê jî weşand. Lêbelê divê berdewamiya vê were. Beriya her tiştekî divê verastkirineke hemû partî li ser hev dikin were kirin.” 

 

Kurtulmuş, îdia kir kul rêxistin pêvajoya çekberdanê “bi demê re vedihêle” û wiha pê de çû: “Siyasetê, berpirsyartiya diket ser milê xwe bicih anî. Berpirsyartiyeke ji vê mezintir nikare bike. Hemû partî li hev civiyan. Li Meclisê komîsyonek hate avfekirin. Mijara herî jiyanî bû. Niha jî divê rêxistin tişta dikeve ser milê xwe bike. Di vir de vehêlandinek heye, pirsgirêk heye. Dibe ku li benda geşedanên li herêmê bin û bibêjin bi awayekî sûdê ji encamên wê bigirin. Nizanim lê bendewarî ew e ku tavilê soza xwe bicih bînin.”