Komeleya Alîkarî û Piştevaniyê ya bi Malbatên ku Kedkarên Xwe di Dergûşa Şaristaniyan de Windakirine re (MEBYA-DER), li Çewlîgê hat vekirin. Nûnerên MEBYA-DER’ê û malbatên kesên ku di têkoşîna azadiyê de jiyana xwe ji dest dane beşdarî derîvekirinê bûn. Kurdelaya vekirinê ji aliyê jinan ve hat birîn.

 

 

‘EM DIXWAZIN RÊYA AŞTIYÊ VEKIN’

 

Hevserokê MEBYA-DER’ê yê Çewlîgê Mehmet Bogakan diyar kir ku ew ji bo nirxên kesên ku di têkoşînê de jiyana xwe ji dest dane bidin jiyîn hatine cem hev. Bogakan, kesên ku di meha Hezîranê de jiyana xwe ji dest dane jî bi bîr anî û dawî li axaftina xwe anî. Piştre Parlamenterê Partiya Wekhevî û Demokrasiyê ya Gelan (DEM Parti) ê Rihayê Omer Ocalan axivî û destnîşan kir ku ew ê mîrata kesên jiyana xwe ji dest dane heta dawiyê biparêzin û ev tişt got: “Em ê hemû bi hev re li ser vê rêyê azadiyê ava bikin. Em êdî dixwazin rêya aştiyê vekin. Berê Kurd tune dihesibandin. Lê îro em li dîasporayê û li çar parçeyên Kurdistanê xebatên xwe dikin. Wekî malbat, divê em rol û mîsyona xwe bînin cih. Deng, dema yekbûnê ye. Divê gelê me bibêje ‘Bila zarokên me êdî jiyana xwe ji dest nedin, em rola wan bigirin ser xwe’. Bila werin pêşengiya siyaseta demokratîk bikin, em jî bi wan re siyasetê bikin.”

 

Piştî axaftinan, gora Mehmet Hayrî Durmuş ku yek ji kadroyên pêşeng ê PKK’ê ye, ya li Goristana Karşiyakayê hat ziyaretkirin.