Hate ragihandin ku girtiya siyasî û xwendekar Mahşad Keşanî ya 22 salî ku ji Çileya 2025'an û vir ve girtî ye, piştî ku li hucreya yek kesî ya li Girtîgeha Dolatabad a li Îsfahanê hate bicihkirin, rewşa wê ya tenduristiyê nebaş bû û ew rakirin Nexweşxaneya Modares Psikiyatri.

 

Li gorî çavkaniyên mafên mirovan, li gel ku cezayê lê hatiye birîn qediya ye jî Mahşad Keşanî li hucreya yek kesî hate bicihkirin û mehekê li hucreyê hate hiştin.

 

Hate ragihandin ku di vê demê de pirsgirêkên cidî yên psîkolojîk bi Mahşad Keşanî re peyda bû û li gorî hin çavkaniyan, hewl da ku zerarê bide xwe.

 

Malbata Mahşad Keşanî fikarên xwe yên li ser rewşa wê anî ziman û xwest, mafê darizandina adîl jê re bê dayin.